قصة انا المجروح والجارح اغلى من حياتي
تابع الجزء الثامن _
شوي ونطق اسامه وحشتيني هنا عاد بديت اصفر واووو أخيرا تكلمتو والله طفشت
منكم مالت عليكم شوي اسامه جالس يناظر عبير عيونك حلوه كثير اول مره انتبه
ليها
واووو اخوي رمنسي عاد اسامه طردني قومي يالله مشيت وانا اناظر لي عبير الي
ميته من الضحك طيب طيب افرجيك شغلك تضحكين طيب الحين اروح اصحي خالت ام علي
مشيت عنهم لبعيد ورجعت يم اميره جلسنى جنب الخيمه عاد احنا مانحب ننام بليل
في البر فجلسني نتكلم الاوشوي اشوف واحد جالس يمشي من بعيد بديت بضحك
اميره ذكرى وش فيك انهبلتى
لا والله بس شوفي هذا الزول عادل ولد عمتي
اميره الي يحبك
ايه فارس احلامي هههههه
جلسني نضحك ونسولف ونعلق علي عادل شوي الا وعبير جأيه لا والخت مبسوطه مره
ومروقه طيب طيب عبير افرجيك شغلك مستانسه ان اسامه طردني طيب
عبير تستاهلي انتى ملقوفه هههه
جلسني جنب الخيمه انا وعبير واميره وسواليف وضحك الين بداء الضوء يطلع قمني
وصلينى الفجر وشوي الاواشوف الحريم بدو يصحو عاد احني نبي ننام دخلني
الخيمه والحريم امي وام اميره وعبير يصيحو عليني وين وين رديت وانا اضحك
علي النوم
لا احنى صحينى وانتم بتنامو
دخلنى الاواشوف حصه وبنات عمتي صحيو حطيت راسي انا واميره وعبير وغفينا
وحني نضحك اليوم الاول كان ولا اروع اما اليوم الثاني كان اسوء يوم في
حياتي الحين تعرفو ليه جلسنى احنا والبنات جنب الخيمه وشاي وقهوه ووناسه
شوي قلني نبي نركب بلموتورات كانت اربعه بس ركبت واحد واميره واحد ولمياء
بنت عمتي وحد وعبير واحد بديني بسباق وفله شوي البنات كلهم يبو يركبو مافي
حل الاوكل اثنين يطلعو بموتور واحد ركبت لمياء وعايشه اختها وانا واميره
وعبير وزينب بنت عمتي وحصه ومعاها شادن اخت اميره بديني السباق فله حماس
صراخ شوي واميره يالله ذكرى خليك اسرع شوي بدت السرعه تزيد وتزيد بس اسمع
الصراخ شوي وسياره طالعه قدامي كل الي اذكره لما صرخت وارتطمنى بسياره طرنا
بلهواء فتحت عيوني وانا بلمستشفي ابوي وامي واسامه وعبير واهلها وعمتي
والبنات وعادل وش فيه وش صارلي
مامي تبكي جنبي حمدلله علي سلامتك حبيبتى آآآه جسمي يعورني مقدر اتحرك
اثاري رجلي ويدي مكسورين وجسمي فيه رضوض سكت شوي وبعدين افتكرت اميره اميره
وين اميره
ابوي بخير بس تعبانه بلفراش ما تقدر تتحرك ارتحت شوي مر اسبوع وانا
بلمستشفي بس كنت احس ان الوضع مو طبيعي فيه شي موقادره افهمه كل مأسئلت احد
عن اميره غير الموضوع طيب غريب وين خالتي ام ااميره وشادن وهند معقول محد
يجي يطمن علي طلعت من المستشفي وعرفت بوقتها كل شي فهمت ان اميره بلعنايه
المركزه وحالتها خطره كثير وخالتي ام اميره متهمتني بئني انا السبب بلي صار
لي اميره اتصلت فيهم حاولت اشرح الوضع انا مالي علاقه اميره هي السبب هي
الي كانت تسرع خالتي ماعطتنى مجال وسكرت الخط بوجهي بديت ابكي واصارخ جاء
ابوي واسامه وامي وش فيكي
انا مالي ذنب والله مالي ذنب اميره هي السبب ابوي خلاص مصدقينك ومامي تحضني خلاص اسامه بكيفهم عساهم مايصدقو احني مصدقينك
بيوم مامي كانت مشغوله بلمطبخ وابوي بلمحل نزلت منغرفتي بهدوء والعبايه
بيدي خرجت من البيت بدون محد يحس علي وقفت تكسي ورحت للمستشفي ابي اشوف
اميره دخلت المستشفي سألت موضف الاستقبال وين غرفت اميره سعود دلوني علي
الغرفه رحت بسرعه ابي اشوفها اول مدخلت واوووو ياليتني مادخلت هجمت علي
خالتي وشادن ضربتني شادن وطلعتنى برا الغرفه وانا ابكي والله يخاله مالي
ذنب ابي اشوفها ابي اتطمن عليها بس شادن اقول لاعاد اشوفك ترا اذبحكي وسكرت
الباب بوجهي رجعت البيت وانا ابكي فتحت الباب ومامي بصاله فزت ذكرى وش
فيكى وين كنتي
جلست ابكي رحت لي اميره بلمستشفي
مامي انا وابوكي وش قلني ليك انسي اميره واهلها افهمي عاد لاتتعبيني معاك
رحت لغرفتي وانا ابكي رميت نفسي علي سريري وانا ابكي بقهر
يفز دمعي وأقهره داخل عيوني
اخاف عذالي يقولواهزيمه
لا والذى ألف قلوب المحبين
ماحدرت دمعات عيني ظليمه
بكيت من الوفاءوالغادين
لجل الصديق وذكريات قديمه
الجزء التاسع _
مرت الايام عادي اميره نفذت منها ورجعت لي البيت سليمه بس أنا وهي أفترقنا
ما صرنا زي أول طلعت النتائج وجبنا أنا وأميره معدل حلو أميره دخلت كلية
طب إما أنا فكنت تعبانه نفسيا رفضت أسجل كيف وأنا وأميره أفترقنا بعد ما
كنا زي الأخوات
مرت الأيام إبوي برا تتغييرمعاملته مع أمي صار خصام في خصام حياتنا يطلع
يخاص ويدخل يخاصم عمتي سوتله سحر وصار مايسمع إلى كلامها حصه صارت غرقانه
مع الشباب تكلم شباب وتعاكس شباب هي وبنات عمتي حياتهم صارت مزبلة في مزبلة
مرت الأيام وحددنا موعد فرح أسامه عمتي حرظت أبوي وتخاصم مع اهل عبير قبل
الفرح بيومين صارت مشاكل كثير هناك بس الحمد الله مرت على خير وأخيرا حددنا
موعد الفرح بس عبير واهلها ماخذين موقف وصار كمان هم متغيرين علينا
صحيت الخميس على صوت أمي يالله قومي اليوم فرح أخوك أسامه صحيت من النوم
أخذت شور ونزلت المطبخ وأخذت سندويتش جبن مع عصير برتقال طبعا نسيت أقلكم
إنه قبلها بشهر أمي طلعت حامل وهي الحين في الشهر التاني جلست إلى شوي ونزل
أسامه جلس جنبي في المطبخ
أسامه يوه جبن
اسامه مره مايحب الجبن
ذكرى جلست أضحك وحلفته ياخذ قطعة جبنه ويحطها في فمه يالله يا أسامه إذا تحب عبير تاكل القطعة هذي
أسامه فكيني منك طبعا مسكت يده ويالله أفتح فمك خذ هذي بالقوى وهواش حطيت القطعه في فمه جت أمي على صراخ
أسامه
وش فيكم وش هذا الصراخ
يمه تعالي فكيني من بنتك هذي
مامي ذكرى وش فيكي علي اخوكي
لامامي ابيه يأكل بس
مامي ا
قول أسامه خليك منذكرى وقلي خلصت امورك وش صار علي حجزك بلفندق
أسامه لاتشغلي بالك يالغاليه كل اموري زينه ان شاء الله
يمه اليوم موالعرس وابوي مو فاضي مشغول مافي غير العريس اخوي يوصلنى لي الصالون هههه
طيب ياذكرى بس وش اقول امري لله اجهزو وراح اوصلكم علي طريقي
خلصنى امور البيت وترتيبات الفرح وطلعنى مع أسامه لي الصالون دخلني المحل وبدينا نجهز انفسنى
حصه راحة مع بنات عمتي بصالون ثاني خلصني من المحل وجاء ابوي اخذني علي
الصاله حقت الفرح دخلت والجو كان حلو كثير لقيت البنات كلهم بس اميره مكانت
موجوده سألت عنها وعرفت انها سافرت لبيت اخوالها بطايف وراح يستقرو هناك
الفرح كان حلو رقصت واستانست اما عمتي كانت تجول بلفرح وماخلت احد الاوقالت
لهاوالله ولد اخوي كان يبي يتزوج من بناتى بس انا الي ماكنت موافقه هذولا
عيال وتعرفو زوجات الاقارب كلها مشاكل وانا واخوي مانبي وجع القلب
شوي بدئت الزفه ودخل اسامه وعبير بوقتها حسيت ان الفرحه غمرتني مو مصدقه
من الفرحه قربت جنب اسامه وانا اضحك سلمت عليه ووشوشته بؤذنه تراك طالع مره
حلو اخذت عقول البنات ضحك ومكان يقدر يرد بس يضحك عاد مامي كانت مبسوطه
وطول الوقت جالسه تضحك وترقص من فرحتها بي اسامه
خلص الفرح واخذ اسامه عبير وطلعو علي الفندق
طلعت انا ومامي وحصه مع ابوي بسياره ابوي كان معصب حده وطول الوقت بس يهزء
في مامي كل الي صار من تحت راسك انتى وعيالك هذولا موكفو نناسبهم متخاصم مع
ابو عبير
بس الحمد لله تم الفرح علي خير مامي طوال الوقت خلاص عبد الرحمن سكر
الموضوع الزواج تم وخلصني وصلنى للبيت واووو راسي يعورني من ابوي وش فيه
صار نار محد يقدر يحاكيه الله يعين كل هذا بسبب عمتي الله يسامحها بس
دخلت غرفتى وغيرت ملابسي واخذت شور كان الفجر علي وشك توضيت وصليت ونمت
الاحوال تغيرت بلبيت ابوي صار عصبي علي طول يدخل يخاصم ويطلع يخاصم وكل شي
تسويه مامي مايعجبه اسامه اخذ عروسه وسافر معد نشوفهم غير بشهر مره ومامي
خلفت وجابت بنوته زي القمر وانا الي اخترت اسمها سميتها سديم
مامي تغيرت مره صارت مو مامي الاولي صارت حياتها بس لي صحباتها ووناستها من فرح لي فرح ومن مول لي مول ومعد سألت عن حد
اما انا جلست لوحدي بغرفتي ماعندي شي كرهت الدراسه لدرجة مو قادره اكمل
الحياه بنظري ممله مافيها شي مهم وبيوم عرفت ان حصه تقدم ليها شخص اسمه
خالد وهي معنده الاتبيه ابوي رافض وكان سبب رفضه أن خالد واحد مو مزبوط
تدخلت عمتي بلموضوع وصار الي حصه تبيه البيت فله ناس داخله وناس طالعه
وحلويات وورود وناس اليوم فرح حصه دخلت غرفت حصه واوو لقيتها متكشخه وجالسه
وبنات عمتي عندها بلغرفه جهزتني الكوافير وطلعت لغرفتي حسيت اني مو مرتاحه
من نضراتهم اي لبست فستاني الاحمر وعدلت روجي الاحمر ونزلت لي الصاله
الناس بدئت تدخل والدجيه بدا صوته يعلو البيت واو حماس فله روعه اجواء حلوه
استانست ورقصت
تزوجت حصه وراحت لبيت زوجها
رجعت الحياه بلبيت رتم ممل ملل وهواش مامي وابوي وانا وسديم بغرفتنى ولو ماكني بلغرفه اكيد بلحديقه مع سديم تلعب
مرت الايام عادي وبيوم جالسه بلحديقه مع سديم تلعب شوي يرن جوالي رقم غريب مين غريب وش هذا الرقم فتحت الخط الووو
ريم اهلين
مين معاي
انا ريم يالقاطعه
ريم آآه هلا والله تونى افتكرتك وش اخبارك ياحلووه
انا تمام بخير بس جيتك بطلب لاترديني تكفين
هههههه وش هذا الطلب قولي هات
فيه وحده اعرفها فتحت محل صالون جديد وانا راح اشتغل فيه وابيك معي
وش قلتي
ايه محل جديد وكلمتهم عنك هذي فرصه مهمه وحلوه تكفين ذكري لاتفوتيها
راح افكر بلموضوع
لا مايحتاج تفكري بلموضوع
طيب خلاص اشاور اهلي واردلك خبر ماشي
سكرت الجوال وانا افكر بلعرض حق ريم والله حلو بس اهلي راح يوافقو يارب
يوافقو واطلع من الملل الي فيه انا بليل الكل جالس بصاله جلست قدامهم
وخبرتهم عن عرض ريم مامي بكيفك انتي انا مالي شغل وابوي براحتكي واوووو مو
مصدقه والله الفرحه مو واسعتني طلع ابوي وراح لبيت عمتي
عمتى عرفت بموضوع الشغل وحرضت ابوى علي رجع ابوي علي البيت شخص غير الي طلع
وقايلي بلحرف انسي موض وع الشغل انا ماعندي بنات يشتغلو في صوالين حاولت
يبه يبه ولاكن بدون فايده رجعت للهم وللحزن الله يسامحك يبه اتصلت بريم
وخبرتها بلموضوع والله قلبي احترقف فرصه وجتنى بس ابوى الله يسامحك ياعمه
انتي السبب
ليه ساكت وداخلك زحمه حكي ليه تضحك وفيك عبرات وبكى
ليه همك هم وانت اخر هم
الجزء العاشر _
بيوم وأنا جالسه بغرفتي ونايمه كنت نايمه في الظهرسمعة أصوات غريبه لايمكن
صراخ غريب وش فيه نزلت من الدرج إلا وأشوف عمتي تصارخ وأمي تصيح وخالي سعد
ماسك أمي بديت أخاف فلت وش فيكم وش صاير وإلا دخلت حصه من الباب تصارخ لا
أبوي توفى أكيد تكذبون على هنا وقف كل شي فيني يمكن حتى التفكير وقف ناظرت
خالي سعد كأني أبيه يقول لا مو صح أبوك مامات بس الأجابه كانت إيه أبوك مات
بحادث مروري اليوم
رحت بعيد عنهم مشيت شوي طلعت الدرج خطوه خطوه وأنا أناظرهم وكأني أقول
أنتوا مجانين أبوي ماتوفي اليوم ماكن فيه شي أكيد مسافر وراح يرجع مانزلت
ولا دمعه من عيني أبد حبست حالي بالغرفه
واليوم الثاني جابوا أبوي عشان الوداع الأخير شفته قدامي مغطى مكفنينه
باابيض سلمت على جبينه وأنا واقفه وكأني أكلمه جلست أقول ليه سبتني ومشيت
ليه رحت حتى قبل ماتودعنا ليه تتركنا ليه و
ليه
ليه تركتنا ومشيت ليه ماأخذتنا معك وشوي شالوا أبوي والعالم يبكون وصراخ
وعمتي تبكي وأمي تبكي حقدت عليهم أقول لما شالوانتم السبب كنت اقول اما
شالوا نعشه شفته تحرك قدامي مدري تحرك وإلا هذا احساسي إلي تحرك
حاولت أوقفهم كنت أبي أخرج وأقول لحظه بس ماقدرت جمد كل شي فيني إنطفت كا المشاعر إلي فيني خرس الكلام بوسط لساني
عمود البيت ذبل صوتي ولك ناديت
ونادن لك زوايا البيت ولارديت ولارديت
يبه وكلمه يبه ذابت
على لساني معك غابت
يبه ماعدت طفله رحت وطفلتك شابت
قويت ولاقوى النسيان ينسيني أعز الناس
وفيني آه وش فيني يبه فيني الحزن بركان ذكرت
الصوت وجمعتنا آه فز يضوي محبتنا
ياليت الوقت بس يرجع
يبه مت ومعك متنا
مرت الايام وامي بفترت الحداد وصحباتها ليل ونهار مايفارقو البيت وانا
وسديم جالسين بغرفتني او بلحديقه عشان سديم اما عمتي صفيه فقطعتني مره وحده
وحصه رجعت لبيتها واسامه مسافر مع اهله مامي كانت جالسه بصاله لوحدها رحت
لعنده وقلتلها ابيك بي موضوع
مامي قولي تكلمي
ابي اشتغل
مامي وش قلتي
ايه مامي الي سمعتيه ابي اشتغل
طيب وين تبين
فاكره ريم والعرض الي عرضته علي من فتره
مامي والله براحتك بس فكيني منك راسي يعورني ابي ارتاح
طيب يمه طلعت لغرفتى واتصلت بريم اهلين ريم اخبارك
ريم الحمد لله كيفك انتى وش اخبارك
انا الحمد لله بس حبيت أسئلكى عن موضوع الشغل الي قلتيلي عليه من اول
ريم الشغل موجود لوتبي
من جد
ايه من جد
خلاص انا من بكره ابي اداوم
اجل حبيبتي جهزي نفسك والسواق بي يمرك بعد الظهر
الله يسعدك ياريم معروفك هذا مراح انساه ابد
سكرت الجوال
اليوم الثاني رحت لي المحل كان حلو كثير ام ناصر صاحبت المحل طيوبه مره
والبنات الي بلمحل طيوبات استانست معهم بصراحه الجوحلوكثير معهم
مرت الايام عادي روتين ممل شغل والبيت وسديم مافي شي مهم وبيوم كنت جالسه
بصاله لوحدي جابتلي الشغاله ميري هذي الشغاله الي جبتها عشان تهتم بسديم في
غيابي وتساعدني بحمل البيت شوي جابتلي القهوه التركيه حقتى وراحت لي
المطبخ شوي رن جرس الباب قمت ابي اشوف مين انا خالد
نعم خالد وش تبي حصه مو موجوده طلعت لبيت عمتي
طيب خالتي ام اسامه
لاوالله مو فيه
طيب فكي الباب خذي هذا الغرض وصليه لحصه فكيت الباب حسيت خالد يدفع الباب بقوه
خالد ياحيوان وش تسوي اطلع برا
خالد لامو طالع انا احبك وامووت عليك
الله ياخذك اطلع لاحد يشوفك اطلع شوي الاوالشغاله طالعه من المطبخ اول
ماشافها خالد طلع من الباب بسرعه اف الله ياخذك وار تاح منك سكرت الباب
وانى راح اموت من خوفي
غريبه بداري
الرئيسية 
